毛孩手繪畫像館

用娜娜部長同款手繪風格,幫你隻毛孩畫一幅專屬畫像。畫好之後,佢會同 Nana 一齊住喺「NANA & FRIENDS」個後院度。

想你隻毛孩好似娜娜部長咁,有一幅屬於自己嘅手繪圖?上載一張相就得 —— 我哋用同一套手繪風格幫佢整一幅,免費,一個帳戶一個名額。

整好之後返嚟呢一版就攞到原圖,可以下載、印相、做頭像。

娜娜部長手繪風格
1. 登入用你嘅 NanaPaws 帳戶,冇就即場開一個,一分鐘搞得掂。
2. 建檔案填毛孩個名、狗定貓、品種同毛色特徵,再上載一張清晰嘅正面相。
3. 入後院畫好之後會喺呢一版出現俾你下載,同時佢會住入「NANA & FRIENDS」個後院,同大家一齊行嚟行去。

先登入,再幫你毛孩落單畫像

登入之後每個帳戶有 1 個免費名額。我哋用你個帳戶認人 —— 畫好之後,你登入返嚟呢一版就會見到同下載到。

登入 / 開新帳戶

已經有帳戶?撳上面登入就得。未有嘅話,喺登入版面撳「建立帳戶」,填 email 同密碼就完成。

畫成點?

同 Nana 一樣嘅手繪風格:粗身手繪黑線、鉛筆塗鴉質感、乾淨白背景,重點放喺神情同毛色特徵,唔會畫到好寫實,係一幅有溫度嘅插畫。用嚟做頭像、印相、貼喺雪櫃都得。

點樣影一張畫得靚嘅相

  • 日光最好,室內就近窗口,唔好用閃光燈。
  • 影到成個頭連膊頭,毛孩望鏡頭,唔好背光。
  • 背景簡單啲,唔好有太多雜物遮住佢。
  • 一隻毛孩一張相。有兩隻就每隻各自申請。

常見問題

要唔要買嘢先有得畫?

唔使。登入開個帳戶就有 1 個免費名額。

幾耐畫好?

通常一個鐘內,最遲當日。完成之後登入返嚟呢一版就見到同下載到,同時加入 NANA & FRIENDS。我哋暫時唔會發 email 通知,請自己返嚟呢一版睇。

我隻毛孩已經過咗身,可唔可以畫?

可以。喺特徵嗰欄寫低你想記住嘅樣,我哋會盡力畫返。

我唔想公開佢張相點算?

唔好剔「公開展示」就得,畫像只會喺你自己登入嗰陣見到,唔會出現喺 NANA & FRIENDS 嗰版。

可唔可以幫多過一隻毛孩畫?

可以。每個帳戶預設 1 個名額;落過一次單就多 1 個;之後每儲夠 15 個印章可以再換多 1 個,一個帳戶最多 5 隻。

畫得唔似,可唔可以重新畫過?

可以。每位主人有 1 次免費重新上傳機會,換張相(順便改得描述)就會重新畫過。之後每儲夠 5 個印章可以換多一次。重畫期間舊圖唔會消失,新圖出到先會蓋上去。